Tanzania Leo

MULUGO AWAJIA JUU WAALIMU WALIOENDA MASOMONI BILA RUHUSU ZA WAAJIRI WAO..

Naibu Waziri wa Elimu Philip Mulugo(kushoto)Mkuu wa Wilaya ya Moshi,Ibrahim Msengi na  Askofu  msaataafu Msarakie wa Kanisa la Katoliki .

Wahitimu.

Mulugo akitoa nasaha zake kwa wahitimu.

Naibu Waziri wa Elimu Nchini,Philip Mulugo amesema kuwa Serikali inatarajia kutoa mikopo yenye dhamani ya shilingi billioni 326 katika mwaka wa fedha 2012/2013 kwa wanafunzi wa elimu ya juu kupitia bodi ya elimu ya juu.

Mulugo aliyasema hayo kwenye mahafali ya 5 ya chuo kikuuu kishiriki cha Elimu Mwenge,(MWUCE)yaliyofanyika mwishoni mwa wiki,ambapo alisema kuwa mkopo huo unatarajiwa kutolewa kwa wanafunzi wapatao 98,772.

Mahafali hayo yalihudhuriwa na wageni mbalimbali wakiwemo,Mwenyekiti wa baraza la Chuo kikuu cha St Agustino Tanzania,John Ndimbo,Mwenyekiti wa Bodi ya Chuo kikuu kishiriki cha elimu Mwenge,Askofo Isaac Aman pamoja na Mkuu wa chuo kishiriki cha ualimu  Mwenge ,Severin Niwemugiza.

Alisema kuwa fedha hizo zitatolewa kwa awamu,ambapo mpango wa serikali ni kuendelea kuimarisha na kuboresha usimamiaji wa utoaji wa mikopo na urejeshwaji inayotolewa kwa wanafunzi wa elimu ya juu.

Hata hivyo alisema kuwa kuna ongezeko kubwa la wanafunzi wanaohitimu elimu ya juu kutoka wanafunzi 14 mwaka 1964 hadi kufikia wanafunzi 166,484 kwa mwaka 2011/2012 na ongezeko la vyuo kutoka  chuo kimoja hadi  vyuo 42.

Alisema kuwa vyuo vya binafsi ikiwemo Mwuce vimekuwa na mchango mkubwa katika kuleta maendelea nchi kwa kusaidia ongezeko la wataalamu ikiwemo sekta ya Elimu.

Hata hivyo Mulugo alitoa shilingi million 10 kwa ajili ya ununuzi wa vifaa vya mafunzo ya sayansi chuoni hapo ambavyo vilielezwa kuwa ni changamoto kubwa kuanzisha program itakayoanza karibuni.

Kwa upande wake Mwenyekiti wa Bodi ya Chuo kikuu kishiriki cha elimu Mwenge,Askofu Isaac Aman alisema kuwa chuo kimekuwa kikumbana na changamoto ya wanafunzi wanaohitimu elimu ya sekondari hususani kidato cha sita kutokuwa na sifa stahiki ya kujiunga na chuo.

Alisema kuwa kuwepo kwa mfumo mbovu kuanzia chini wa elimu umekuwa changamoto kubwa kwa vyuo vinavyotoa elimu ya juu,hivyo ni vema Serikali iboreshe na kusimamia vizuri utoaji wa elimu za sekondari.

Mwisho