Tanzania Leo

Waziri Prof. Jumanne Maghembe azindua mradi mkubwa wa maji Kata ya Endagile Babati Vijijini

Waziri wa Maji, Prof. Jumanne Maghembe (mwenye miwani,) akikata utepe kuashiria uzinduzi wa Mradi Mkubwa wa Maji Vijijini katika Kata ya Endagile Babati Kijijini Jumatano wiki hii.  Kulia kwa Mhe. Waziri ni Mbunge wa Babati Vijijini Mhe. Jeetu Soni.

Waziri wa Maji, Prof. Jumanne Maghembe (mwenye miwani,) akifunua pazia  kuashiria uzinduzi wa Mradi Mkubwa wa Maji Vijijini katika Kata ya Endagile Babati Kijijini Jumatano wiki hii.  Kulia kwa Mhe. Waziri ni Mbunge wa Babati Vijijini Mhe. Jeetu Soni.

Waziri wa Maji Mhe. Prof. Jumanne Maghembe akimtishwa ndoo ya Maji Fatuma Maulid baada ya kuzindua Mradi Mkubwa wa Maji Vijijini. Wa kwanza kushoto ni Diwani wa Kata hiyo Mhe. Nicodemus Tarmo.

Waziri wa Maji Mhe. Prof. Jumanne Maghembe akiangalia ng’ombe wakinywa maji baada ya kufungua mradi huo, pamoja na Mbunge wa Babati Vijijini Mhe. Jeetu Soni.

Moja ya chanzo cha maji

WAZIRI WA HABARI AFUNGUA KIKAO KAZI CHA SEKTA YA UTAMADUNI

Waziri wa Habari, Vijana, Utamaduni na Michezo Dkt. Fenella Mukangara akifungua Kikao Kazi cha tisa cha Wadau wa Sekta ya Utamaduni nchini (hawapo Pichani).Kikao hicho kilifanyika Jijini Dar es Salaam hivi karibuni na kauli mbiu ilikuwa ni Urasimishaji wa tasnia za Filamu na Muziki uwe Chachu ya Maendeleo. (Picha na Benjamin Sawe wa WHVUM).

Katibu Mkuu wa Wizara ya Habari, Vijana, Utamaduni na Michezo Bw. Sethi Kamuhanda akisisitiza jambo kwa katika Kikao cha tisa cha wadau wa Sekta ya Utamaduni kilichofanyika hivi karibuni Jijini Dar es Salaam. Kauli mbiu ya Kikao hicho ni Urasimishaji wa tasnia za Filamu na Muziki uwe chachu ya Maendeleo.Kushoto ni Mkurugenzi wa Maendeleo ya Utamaduni Profesa Hermas Mwansoko. (Picha na Benjamin Sawe wa WHVUM).

Waziri wa Habari, Vijana, Utamaduni na Michezo Dkt. Fenella Mukangara akiteta jambo na Katibu Mkuu Bw. Sethi Kamuhanda wakati wa Kikao cha tisa cha wadau wa Sekta ya Utamaduni kilichofanyika hivi karibuni jijini Dar es Salaam. (Picha na Benjamin Sawe wa WHVUM).

Kikundi cha Wasanii wa ngoma za asili ambacho kikitumbuiza wakati wa ufunguzi wa Kikao kazi cha tisa cha wadau wa Sekta ya Utamaduni kilichofanyika hivi karibuni Jijini Dar es Salam. (Picha na Benjamin Sawe wa WHVUM).

Waziri wa Habari, Vijana, Utamaduni na Michezo Dkt. Fenella Mukangara akimpongeza Mghani Mashairi Bwana Mohamed Lukemo wakati wa ufunguzi wa  Kikao kazi cha tisa cha Sekta  ya Utamaduni kilichofanyika hivi karibuni Jijini Dar es Salaa. (Picha na Benjamin Sawe wa WHVUM).

Wadau wa Sekta ya Utamaduni nchini wakimsikiliza Wazari wa Habari, Vijana, Utamaduni na Michezo Dkt. Fenella Mukangara  (hayupo pichani) wakati wa ufunguzi  wa Kikao kazi cha tisa cha sekta hiyo kilichofanyika Jijini Dar es Salaam hivi karibuni.Kauli mbiu ya Kikao hicho ni Urasimishaji wa tasnia za Filamu na Muziki uwe chachu ya Maendeleo. (Picha na Benjamin Sawe wa WHVUM).

ZIARA YA DK. SHEIN VIETNAM YAENDELEA SIKU YA PILI

Rais wa Zanzibar na Mwenyekiti wa Baraza la Mapinduzi Dk.Ali Mohamed shein, akisalimiana na Makamo wa Rais  Vietnam Bibi, Nguyen Thi Doan,alipowasili Ikulu nchini Vietnam,akiwa na ujumbe wake katika ziara rasmi ya Kiserikali nchini humo ya wiki moja.[Picha na Ramadhan Othman Vietnam.]

Rais wa Zanzibar na Mwenyekiti wa Baraza la Mapinduzi Dk.Ali Mohamed shein, na Mkewe Mama Mwanamwema Shein,wakipokea mashada ya mauwa kama ni Ishara ya  ukaribisho katika Ikulu ya Vietnam,alipofika kwa mazungumzo na  Makamo wa Rais wa  Vietnam Bibi, Nguyen Thi Doan,akiwa na ujumbe wake katika ziara rasmi ya Kiserikali nchini humo ya wiki moja.[Picha na Ramadhan Othman Vietnam.]

Mke wa Rais wa Zanzibar na Mwenyekiti wa Baraza la Mapinduzi Mama Mwamamwema Shein, akisalimiana na Makamo wa Rais wa  Vietnam Bibi, Nguyen Thi Doan,alipowasili Ikulu nchini Vietnam,alipofuatana na Rais wa Zanzibar katika ziara Rasmi ya Kiserikali Nchini Vietnam ya wiki moja.[Picha na Ramadhan Othman Vietnam.]

WATU WATATU WANAOSADIKIWA KUWA NI MAJAMBAZI WAUAWA MKOANI ARUSHA

Kamanda wa polisi Mkoa wa Arusha kamishna Msaidizi wa Polisi Liberatus Sabas akionyesha sare za Jeshi la Wananchi wa Tanzania (JWTZ0 ambazo zilikutwa  kwenye begi la watu watano ambao wanasadikiwa kuwa ni majambazi .Tukio hilo lililtokea katika eneo la Olmatejoo jijini Arusha leo asubuhi na Jeshi la Polisi lilifanikiwa kuwajeruhi kwa risasi Watatu kati yao ambao baadae walifariki dunia wakiwa wanapelekwa hospitali . (Picha na Mahmoud Ahmad Arusha)

………………………………………………………..

MNAMO TAREHE 22/11/2012 MUDA WA SAA 3:45 ASUBUHI KATIKA ENEO LA OLMATEJOO HALMASHAURI YA JIJI LA ARUSHA, WATU WATATU (AMBAO MAJINA YAO  BADO HAYAJATAMBULIKA) WANAOSADIKIWA KUWA  NI MAJAMBAZI WALIUAWA NA ASKARI WA JESHI LA POLISI WAKATI WA WAJIBIZANO YA KURUSHIANA RISASI.

TUKIO HILO LILITOKEA MARA BAADA YA JESHI LA POLISI MKOANI HAPA KUPATA TAARIFA KUTOKA KWA RAIA WEMA AMBAO WALIELEZA KWAMBA, KATIKA ENEO HILO KULIKUWA NA WATU WATANO AMBAO WANAWATILIA SHAKA, NDIPO BAADHI YA ASKARI WALIKWENDA KATIKA ENEO HILO KWA AJILI YA KUFANYA UCHUNGUZI.

MARA BAADA YA ASKARI HAO KUFIKA ENEO HILO, WATU HAO WALISHTUKA NA MMOJA WAO ALIYEKUWA NA SILAHA AINA YA BASTOLA KIUNONI ALIITOA NA KUANZA  KUWAFYATULIA RISASI ASKARI HAO. KUTOKANA NA HALI HIYO ASKARI HAO WALIAMUA KUJIBU MAPIGO NA KUFANIKIWA KUWAJERUHI WATU WATATU KATI YA WATANO NA WENGINE WAWILI WALIFANIKIWA KUKIMBIA PAMOJA NA BASTOLA.

WATU HAO WALIFARIKI DUNIA WAKIWA NJIANI WANAPELEKWA KATIKA HOSPITALI YA MOUNT MERU KWA AJILI YA MATIBABU. ASKARI HAO WALIFANIKIWA KUPATA BEGI LILILOTUPWA NA WATU HAO NA MARA BAADA YA KUPEKUA WALIKUTA BUNDUKI MBILI; MOJA AINA YA SHORTGUN NA NYINGINE AINA YA RIFLE YENYE NO. 08805 AMBAYO ILIKUWA IMEKATWA MTUTU PAMOJA NA KITAKO.

MBALI NA BUNDUKI HIZO PIA WALIKUTWA NA RISASI 16 ZA SHORTGUN, KITAKO NA MTUTU WA BUNDUKI AINA YA RIFLE, MTALIMBO (KIPANDE CHA CHUMA) AMBACHO KINASADIKIWA KUWA KINATUMIWA KATIKA  SHUGHULI ZA UVUNJAJI, RUNGU MOJA, PANGA MOJA, TUPA TATU ZA KUNOLEA PANGA, SARE ZA JESHI LA WANANCHI WA TANZANIA (JWTZ) AMBAZO NI SURUALI MOJA, T-SHIRT MOJA NA KOFIA MOJA. PIA ZILIPATIKANA KOFIA MBILI ZINAZOTUMIKA KUFICHA USO  PAMOJA NA KITAMBULISHO VYA KUPIGIA KURA, LESENI YA UDEREVA NA KITAMBULISHO CHA MWANAFUNZI WA SHULE YA SEKONDARI DODOMA.

MPAKA HIVI SASA JESHI LA POLISI MKOANI HAPA LINAENDELEA  KUWATAFUTA WATU WAWILI AMBAO WALIKIMBIA NA PIA LINAFANYA JITIHADA ZA KUWATAMBUA WATU WALIOUAWA AMBAPO MPAKA HIVI SASA MIILI YAO IMEHIFADHIWA KATIKA HOSPITALI YA MOUNT MERU. ASANTENI KWA KUNISIKILIZA.

IMETOLEWA NA KAMANDA WA POLISI MKOA WA ARUSHA,

KAMISHNA MSAIDIZI WA POLISI,

(ACP) LIBERATUS SABAS

TAREHE 22/11/2012.

MAONYESHO YA SEKTA YA NYUMBA – TANZANIA HOMES EXPO KUFANYIKA MLIMANI CITY DISEMBA 7 – 9 2012.

Maonyesho makubwa ya sekta ya nyumba ya Tanzania Homes Expo yanatarajiwa kufanyika kwa mara ya pili Nchini Tanzania kuanzia tarehe 7 hadi 9 Disemba 2012. Kwa mara ya kwanza maonyesho ya Tanzania Homes Expo yalifanyika mwezi June na yalifungwa rasmi na Makamu wa Rais Dr Mohammed Gharib Bilal.

Akizungumza na waandishi wa habari jijini Dar es salaam leo, Mkurugenzi wa Tanzania Homes Expo Ndugu Zenno Ngowi aliseme ‘’Upatikani wa makazi ya uhakika na upatikanaji wa masuluhisho ya ujenzi wa nyumba bado umeendelea kuwa changamoto kubwa kwa Watanzania wengi. Hata hivyo, katika kipindi hiki Nchini Tanzania tumeshuhudia kukua kwa kasi kwa sekta ya nyumba na huduma nyingine za ujenzi katika siku za karibuni. Hata hivyo uwepo wa taarifa sahihi juu ya masuluhisho mbalimbali yahusuyo sekta ya nyumba limekuwa nin tatizo kubwa, upungufu huu ndio ulikuwa msingi Mkuu wa kuanzisha maonyesho ya Tanzania Homes Expo’’

Zenno aliongeza kusema ‘’Ni jambo la kujipongeza kuona mabenki kadhaa yanatoa mikopo ya nyumba, lakini taarifa za kina namna ya kupata mikopo hii raia wengi hawajui!, Je ni mara ngapi imebidi mtu kusimamia nyumba yake mwenyewe wakati wataalam na macontractor wapo! Je kabla ya kuchagua aina ya nyumba ya kujenga tunajua mambo muhimu ya kuzingatia? Jibu ni hapana’’.

Tanzania Homes Expo, ni maonyesho yenye lengo la kukuza elimu ya umma kuhusu aina mbali mbali za huduma zinazolenga sekta hii muhimu. Lakini pia Tanzania Homes Expo inatoa fursa kwa watoa huduma za sekta ya nyumba kama; mabenki, mikopo, bima, wakandarasi, wachora ramani, makampuni ya nyumba, makampuni ya ulinzi, marembo, vifaa vya ujenzi na mengi yahusuyo sekta ya nyumba kupata nafasi ya kuelezea huduma wanazozitoa.

Tanzania Homes Expo inadhaminiwa na Azania Bank, Clouds FM, TMRC na Brand Works.

Kwa taarifa zaidi au kushiriki tembelea tovuti; www.tanzaniahomesexpo.org au tuma barua pepe info@tanzaniahomesexpo.org

TUENDELEE KUMSAIDIA ANASTAZIA

by John Bukuku on November 22, 2012 in JAMII with No comments

 Anastazia binti anayesumbuliwa na uvimbe wa Mguu wa kushoto ambapo amekosa fedha za kupata angalau matibabu ya awali,napenda kuchukua nafasi hii kuwashukuru wale wote walioonyesha kuguswa na habari hii na mpaka sasa kuna wengine wametuma na wemetoa ahadi ya kutoa fedha za kumsaidia Anastazia.

 

Mpaka sasa Mama Abduweli wa Mamlaka ya banadari Dar es Salaama mwenye namba 0713 689656 ametuma kiasi cha shilingi 10,000 huku dada Edna John kutoka Uingereza aliyesoma Blog ya Michuzi amesema atatuma fedha za kumsaidia Anastazia kwenye akaunti.

 

*Picha hizo zinaonyesha Augustine Mgendi akimkabidhi Mama yake na Anastazia kiasi cha shilingi 10,000 fedha iliyotolewa na mama Abduweli wa Bandari ya Dar es Salaam,baada ya kukabidhi fedha hizo mama huyo alishukuru na kusema kuwa itasaidia kupiga Xray kwani hakuwa na kiasi cha shilingi 10,000 kupiga  X ray.

 

Hivyo basi watanzania tuendelee kumsaidia Annastazia ili aweze kurudi katika hali yake ya kawaida aungane na ndugu zake katika ujenzi wa familia yake,kama unamchango wowote unaweza kupitishia katika akaunti 022201093996 NBC au katika simu namba 0756 035 825

NIKO TAYARI KIAKILI NA KIMWILI KULITUMIKIA TAIFA: KINANA

NA BASHIR NKOROMO, RUKWA

 

KATIBU Mkuu wa CCM, Abdulrahman Kinana amewahakikishia Watanzania, hususan wanachama wana-CCM kwamba yupo tayari kimwili na kiakili kuhakikisha anatekeleza kwa ufanisi mkubwa majukumun makubwa aliyopewa kulitumikia taifa.

 

Kinana alisema hayo leo kwenye mkutano wa hadhara uliofanyika mjini Rukwa akiwa katika siku yake ya pili ya ziara ya siku nne katika mikoa ya Mtwara, Rukwa, Geita na Arusha aliyoianza jana.

 

“Ni kweli nilikuwa nimetangaza kustaafu siasa kwa kuzingatia kwamaba nimeshashika kwa muda mrefu nyadhifa za kuchaguliwa, nikaona kwamba kama wenzako wameshakuamini mwa muda mrefu ukafanya nao kazi wakikupenda, basi usisubiri mapaka uchokwe ndiyo uondoke”, alisema Kinana na kuongeza;

 

“Lakini sasa baada ya maamuzi yangu, Mwenyekiti wa Chama Chetu, Rais Jakaya Kikwete akaamua kwa kadiri alivyoona inafaa, akaniteua nikisaidie Chama. Kwa mtu mwenye hekima na uadilifu unapoteuliwa na Mwenyekiti wa Chama chako tena Rais wa Chama kinachotawala, lazima ukubali tena bila kinyongo, nikakubali”.

 

“Sasa baada ya kuwa mimi ndiye Katibu Mkuu wa Chama hiki, napenda kuwaambia kwa dhadi ya moyo wangu kwamba nipo tayari, kimwili, kiakili kuhakikisha nawatumikia Wana-CCM na watanzania kwa jumla kwa weledi na ufanisi mkubwa”.

Continue reading →

Tanzania yasifiwa kwa kuongeza ufanisi katika bandari zake

Mwakilishi wa Tanzania Phares Magesa akiwasilisha mada inayohusu mfumo mpya wa eSWS katika mkutano huo

……………………………………………………………………

Katika mkutano ulioandaliwa na Ofisi ya Umoja wa Mataifa inayoshugulikia Uchumi Afrika (UNECA) uliokuwa unafanyika Moroni, Comoro 20-21 Novemba, 2012, Mkutano wenye lengo la kuendeleza biashara bila kutumia karatasi “Advancing Paperless Trade in Eastern Africa”.

Tanzania ilisifiwa na wasemaji wengi wa mkutano huo kutokana na juhudi za kuimarisha miundombinu ya usafirishaji na kuongeza ufanisi katika bandari zake.
Mkutano huo ulihudhuriwa na wawakilishi wa serikali na wataalamu wa masuala ya usafirishaji na Teknolojia ya habari na mawasiliano(Tehama) kutoka nchi zote za Afrika Mashariki, Kati, Kusini na visiwa vyote vya bahari ya hindi.
Mmoja wa wachangiaji mada katika mkutano huo ndugu Hamidou M’Homa ambaye ni Rais wa Chama Cha watumiaji wa huduma Comoro, alisema kwa kipindi cha karibuni ameona ufanisi umeongezeka katika bandari za Tanzania na akatoa pongezi nyingi kwa jitihada zinazofanywa na serikali na Mamlaka ya Bandari Tanzania katika kuboresha huduma.
Msemaji wa Tanzania katika mkutano huo Ndugu Phares Magesa alipokea salamu hizo za pongezi na kuelezea jitihada mbali mbali zinazofanywa na TPA na Serikali katika kuboresha huduma katika badari zetu. Moja ya jitihada hizo kwa upande wa Teknolojia ni kuanza matumizi ya mifumo ya kisasa ya kuhudumia mizigo na meli ambapo sasa watumiaji wa huduma za meli na mizigo wanaweza wakafanya kazi kutokea maofisini kwao badala wote kwena bandarini hivyo kupunguza msongamano bandarini na kurahisisha utuoaji huduma.

Continue reading →

MIKUTANO YA UKUSANYAJI MAONI YA WANANCHI YAFANYIKA TARIME

Mjumbe wa Tume ya Mabadiliko ya Katiba, Humphery Polepole (aliyesimama) akitoa ufafanuzi wa vipengele vya Katiba ya Jamhuri ya Muungano wa Tanzania ya mwaka 1977 kwa wananchi wa Kata ya Mliiba, Wilaya ya Tarime mkoani Mara wakati wa mkutano ulioitishwa na Tume hiyo leo alhamisi Nov.22, 2012. Wajumbe wengine wa Tume, wa kwanza kulia Nassor Mohammed, Maria Kashonda na Riziki Ngwali.

Wananchi wa kijiji cha Mangucha Kata ya Nyanungu Wilaya ya Tarime mkoani Mara wakifuatilia mkutano wa kukusanya maoni ya wananchi kuhusu Katiba Mpya uliotishwa na Tume ya Mabadlliko ya Katiba leo alhamisi Nov. 22, 2012 katika kijiji hicho.

 ………………………………………………………………..

Na Ismail Ngayonga

Tarime, Mara

MKAZI wa Kata ya Kata ya Mliiba Wilaya ya Tarime mkoani Mara, Marco Magubo (31) amependekeza ni vyema Katiba Mpya ikataze vyama vya siasa vinavyoingia madarakani mara baada ya kushinda uchaguzi wa Rais visipeperushe bendera yake na badala yake kuweka bendera ya Taifa.

Akitoa maoni yake leo (Alhamisi Nov. 22, 2012) kuhusu Katiba Mpya kwa wajumbe wa Tume ya Mabadiliko ya Katiba alisema kitendo cha kupeperusha bendera ya chama kilichoingia madarakani kitaongeza chuki kwa wanachama wa Chama kingine cha siasa kilichoshindwa uchaguzi.

Aidha Magubo alisema Rais anayeingia madarakani anawakilisha maslahi ya wananchi wote na hivyo si busara kwa Chama kilichoshida uchaguzi kupeperusha bendera ya Chama chao kwani Kiongozi huyo haongozi wanachama wa chama chake pekee bali wananchi wote katika taifa.

“Tazama Marekani ambao hivi majuzi tu walifanya uchaguzi mkuu wa Rais, katika kampeni za vyama vyao hatukuweza kuona bendera ya Republican wala Democracy ambavyo vyote vilishiriki uchaguzi na badala yake tuliona wananchi wakipeperusha bendera ya Taifa lao na hatukuona bendera ya Republican wala Democracy” alisema

Alisema kwa kuwa Tanzania ni nchi ya umoja, amani na mshikamano ni vyema  Katiba Mpya ikewe kipengele cha kukataza bendera za vyama vyao na badala ya wamwachie Kiongozi aliyopo madarakani kutetea hoja za wananchi wote.

FM ACADEMIA KUSHEREHEKEA MIAKA 15 TANGU KUANZISHWA KWAKE

by John Bukuku on November 22, 2012 in BURUDANI with No comments

KATIKA kuadhimisha miaka 15 tangu kuanzishwa kwake, bendi ya  muziki wa dansi ya Fm Academia ‘Wazee wa Ngwasuma’ inatarajiwa kufanya onyesho la aina yake siku ya Desemba 14 kwenye ukumbi wa Msasani Club.

 Mratibu wa onyesho hilo, Nassib Mahinya alisema kwamba, usiku huo wa aina yake utaambatana na shamrashamra mbalimbali zilizoandaliwa ili kuwapa raha mashabiki watakaojitokeza.

 Alisema kupitia usiku huo ambao pia utawakutanisha wasanii wote waliopata kupitia bendi tangu kuanzishwa kwake, pia bendi hiyo itaopiga  nyimbo zake kuanzia zile zilizotoka  kwenye albamu yao ya kwanza hadi sasa.

 “Pia kutakuwa na tukio la kukata keki sambamba na kuwapongeza wale wote waliochangia kwa namna moja ama nyingine kuifikisha hapo ilipo bendi hiyo,”alisema

 Mahinya aliongeza kuwa katika kunogesha zaidi usiku huo wasanii na makundi mbalimbali wanatarajia kusindikiza wakiwemo kundi la Mapacha watatu pamoja na wasanii wa kundi la Mtanashati Entertauinment wakiwemo Dogo Janja, PNC na wengineo.

 Onyesho hilo limeandaliwa na Sinai Entertainment na kudhaminiwa na Mabibo Beer Wine & Spirit, Mama Mbaga Catering, Africa Media Group, Chonapi General Supplier, Benny Mlokozi Company , Big Solution, Mtanashati Entertainment, Eliado Point View, Arafa Salon, Friendship Restaurant na Masters Club.

MAKAMU WA RAIS DKT. BILAL AFUNGUA MAADHIMISHO YA SIKU YA TAKWIMU AFRIKA, LEO DAR

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akisalimiana na Mkurugenzi wa Ofisi ya Taifa ya Takwimu, Brandina Chuwa, wakati alipokuwa akiwasili kwenye Viwanja vya Mnazi Mmoja jijini Dar es Salaam, jana Nov 22, 2012 kwa ajili ya kufungua rasmi Maadhimisho ya Siku ya Takwimu Afrika. Picha na OMR

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akihutubia wananchi  wakati wa ufunguzi wa  Maadhimisho ya Siku ya Takwimu Afrika, yaliyofanyika kwenye Viwanja vya Mnazi Mmoja jijini Dar es Salaam, jana Nov 22, 2012. Picha na OMR

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiwa katika picha ya pamoja na baadhi ya Viongozi wa Ofisi ya Takwimu waliokuwa Meza Kuu, baada ya kufungua rasmi Maadhimisho hayo jana. Picha na OMR

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiwa katika picha ya pamoja na baadhi ya Wanafunzi wa Vyuo Vikuu waliohudhuria ufunguzi wa maadhimisho hayo baada ya ufunguzi rasmi uliofanyika kwenye Viwanja vya Mnazi Mmoja, jijini Dar es Salaam leo. Picha na OMR

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiagana na Kamishna wa Sensa , Hajjat Amina Mrisho Said, wakati akiondoka katika Viwanja vya Mnazi Mmoja jijini Dar es Salaam, jana Nov 22, 2012 baada ya kufungua rasmi Maadhimisho ya Siku ya Takwimu Afrika. Picha na OMR

RAIS KIKWETE AKUTANA NA RAIS MSTAAFU WA AFRIKA KUSINI MHE. THABO MBEKI

Rais Jakaya Mrisho Kikwete akiwa katika mazungumzo na Rais Mstaafu wa Afrika kusini Mhe Thabo Mbeki Ikulu jijini Dar es salaam jioni ya jana Novemba 22, 2012

Rais Jakaya Mrisho Kikwete akimsindikiza Rais Mstaafu wa Afrika kusini Mhe Thabo Mbeki baada ya mazungumzo yao  Ikulu jijini Dar es salaam jioni ya leo Novemba 22, 2012
PICHA NA IKULU

ZIARA YA RAIS WA ZANZIBA NCHINI VIETNAM

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein,akisalimiana na Maofisa wa Serikali ya Nchini Vietnam,alipowasili katika Uwanja wa Ndege wa Kimataifa wa Hanoi Nchini Vietnam,alipowasili Nchni humo akiwa katika ziara rasmi ya Kiserikali.[Picha na Ramadhan Othman Vietnam

Mke wa Rais waZanzibar na Mwenyekiti wa Baraza la Mapinduzi Mama Mwanamwema Shein,(katikati) akifuatana na Afisa Ubalozi wa Matilda S.Masuka,(kushoto) wakati alipowasili katika Uwanja wa Ndege wa Kimataifa wa Hanoi Nchini Vietnam,alipofuatana na Mhe Rais wa Zanzibar Dk.Ali Mohamed Shein,kwa Ziara Rasmi ya Kiserikali,(kulia) Msaidizi wa Mama Shein,Ashunta Andrea.[Picha na Ramadhan Othman Vietnam.]

Naibu Waziri wa Mambo ya Nje na Ushirikiano wa Kimataifa Mahadhi Maalim,(kulia) Mshauri wa Rais wa Zanzibar Ushirikiano wa Kimataifa Balozi Ramia,na Waziri wa Kilimo Maliasili Suleiman Nyanga,wakiwa ni miongozi mwa Ujumbe wa Rais wa Zanzibar na Mwenyekiti wa Baraza la Mapinduzi nchini Vietnam,wakiwa katika Chumba  cha Mapumziko cha Viongozi VIP,katika uwanja wa Ndege wa Kimataifa wa Hanoi Nchini Vietnam,mara baada ya kuwasili nchini humo jana.[Picha na Ramadhan Othman Vietnam.]

MAHAFALI YA TATU YA CHUO KIKUU CHA DODOMA (UDOM) YAFANYIKA KATIKA VIWANJA VYA CHIMWAGA MUDA HUU

Hii Ndio sehemu watakayokaa wakuu na Viongozi wa Chuo Kikuu Cha Dodoma kwaajili ya kuwatunuku wahitimu muda mfupi ujao katika viwanja vya chimwaga vilivyopo chuoni hapo

Baadhi ya Wahitimu wa Kitivo Cha Sayansi ya Jamii, Sanaa na Lugha Cha Chuo Kikuu Cha Dodoma wakiwa katika harakati za kutafuta picha za ukumbusho na rafiki zao wakati wa sherehe za mahafali ya tatu ya Chuo Kikuu Cha Dodoma yanayotajiwa kuanza saa saba Mchana wa leo katika viwanja vya Chimwaga Vilivyopo Chuoni Hapo

Nikiwa na Classmate wangu Wa Shahada ya Kwanza ya Sosholojia ya Chuo Kikuu Cha Dodoma Katika Mahafali ya Tatu ya Chuo Kikuu Cha Dodoma (UDOM) yanayofanyika katika Viwanja vya Chimwaga vilivyopo Chuoni Hapo

Kutoka Kushoto Ni Josephat Lukaza Mmiliki wa Lukaza Blog akifuatiwa na Emmanuel Mwakibinga na Patrick Kapachino Kapongwa katika Picha ya Pamoja Kabla ya Sherehe za mahafali ya tatu ya Chuo Kikuu Cha Dodoma Kuanza katika Viwanja Vya Chimwaga leo

Wahitimu wakiwa katika shamrashamra za huku na kule katika Kuchuku taswira za ukumbusho katika mahafali ya tatu ya Chuo Kikuu Cha Dodoma yanayofanyika katika viwanja vya chimwaga vilivyopo Chuoni hapo

Wahitimu wakiwa Katika Harakati za hapa na pale katika mahafali ya tatu ya chuo kikuu cha Dodoma yanayofanyika katika Viwanja Vya Chiwaga Vilivyopo Chuoni hapo leo.

Tutaendelea Kuwarushia Matukio Zaidi ya Mahafali ya Tatu Ya Chuo Kikuu Cha Dodoma. Endelea Kufuatilia Lukaza BLOG

DKT. EMMANUEL NCHIMBI KUWA MGENI RASMI UZINDUZI WA NAMBA MPYA ZA MAGARI

 WAZIRI wa Mambao ya Ndani ya Nchi, Dk Emmanuel Nchimbi anatarajiwa kuwa mgeni rasmi uzinduzi wa namba mpya za magari ya Jeshi la Magereza. kesho asubuhi Novemba 24 mwaka huu.

 

Kwa mujibu wa taarifa iliyosambazwa kwenye vyombo vya habari na kusainiwa na Kaimu Kamishna Jenerali wa Magereza (CP), Chamulesile, ilieleza kuwa uzinduzi huo utafanyika kuanzia saa 4:00 asubuhi katika Gereza Kuu la Ukonga jijini Dar es Salaam.

 

Taarifa hiyo ilieleza kuwa uzinduzi huo uanazingatia Sheria ya Usalama Barabarani Sura ya 162 iliyofanyiwa marekebisho ya kanuni ya Usalama Barabarani (Amendment, ya 2004.

 

Ilisema marekebisho hayo yalitangazwa kwenye Gazeti la Serikali Na.102 la Machi 23 mwaka huu, na yalitoa nguvu ya kisheria kwa magari ya Jeshi hilo kuanza kutumia namba mpya zenye jina la jeshi hilo la Magereza.

 

Aidha, magari ya Jeshi la Magereza yatatambulika kirahisi wakati wa kutekeleza majukumu yake.

Mwenyekiti wa Bodi ya Mamlaka ya udhibiti wa Manunuzi ya Umma akabidhi ripoti ya utendaji kazi

Mhe. Waziri wa Fedha Dkt. William Mgimwa akisikiliza hotuba aliyokuwa akitoa Kaimu Mwenyekiti wa Bodi ya Mamlaka ya Udhibiti wa Manunuzi ya umma Jaji Thomas B. Mihayo

Kaimu Mwenyekiti wa Bodi ya Mamlaka ya udhibiti wa Manunuzi ya Umma Jaji Thomas B. Mihayo akikabidhi ripoti ya utendaji ya mwaka 2011/2012 kwa Waziri wa Fedha Dkt. William Mgimwa.

Waziri wa Fedha Dkt. William Mgimwa  akimpongeza Mkurugenzi Mtendaji wa Mamlaka ya Udhibiti wa Manunuzi ya Umma Dkt. Ramadhani S. Mlinga kwa uwasilishaji wa ripoti ya mwaka 2011/2012

TUME YA HAKI ZA BINADAMU YAZITAKA TAASISI KUSIMAMIA HAKI ZA BINADAMU

by John Bukuku on November 22, 2012 in JAMII with No comments

TUME ya Haki za Binadamu na Utawala Bora imezitaka taasisi zinazosimamia sheria nchini kuhakikisha zinazingatia haki za binadamu na misingi ya utawala bora ili haki iweze kupatikana  kwa wakati na kwa watu wote.

 

Kauli hiyo ilitolewa jijini Dar es Salaam jana, na Kamishina wa Tume hiyo, Bernadeta Gambishi, wakati alipokuwa  akizindua mradi vitabu (Vitini),vya  maboresho ya sheria.

 

Alisema kwa kuzingatia hayo kunaweza kuharakisha  upatikanaji wa haki katika makundi yote ya kijamii nchini, kusimamia maadili na uweled wa maofisa wa sheria, pia ukuzaji wa uhuru wa mahakama.

 

Gambishi alisema kimsingi mradi huo una malengo makuu sita ambayo yatatekelezwa kwa kupitia mkakati wa Kati.

 

 

Akiyataja baadhi maeneo hayo, kuwa ni pamoja na Mfumo bora wa sheria kitaifa: lengo hilo linasimamiwa na Tume ya kurekebisha sheria nchini kwa kushirikiana na taasisi nyingine washirika.

 

Haki za  Binadamu na usimamizi wa haki hili linasimamiwa na Tume ya Haki za Binadamu na Utawala Bora na upatikanaji wa haki kwa walio na uwezo mdogohilo linasimamiwa na Taasisi zisizo za Kiserikali (NGO’S), mfano mmoja ni Chama cha Wana Sheria Nchini (TLS).

 

Naye Kaimu Mkurugenzi wa Sheria, Reginald Makoko, alisema bado Watanzania wengi wanakabiliwa na uwelewa mdogo wa sheria hali inayowafanya baadhi yao kupoteza haki zao.

 

Hata hivyo, tatizo hilo kwa sasa limepungua kutokana kuwepo kwa vyama vyama vya kisheria ambavyo vinatoa msada wa kisheria bure , malalamiko mengi kuwasilishwa huko.

MBEKI MGENI RASMI MAJADILIANO YA UONGOZI AFRIKA DAR ES SALAAM LEO

by John Bukuku on November 22, 2012 in SIASA with No comments

 Rais Mstaafu wa awamu ya pili ya utawala huru wa Afrika Kusini, Thabo Mbeki (kulia) akifafania jambo wakati wa Majadiliano ya duara kuzungumzia uongozi barani Afrika na changamoto za maendeleo
uliofanyika jijini Dar es Salaam leo. Kushoto ni Mwenyekiti wa Mdahalo
huo ulioandaliwa na Taasisi ya UONGOZI Tanzania, Waziri Mkuu Mstaafu,
Cleopa David Msuya. Mbeki alikuwa Mgeni Rasmi katika mdahalo huo.

 Mwenyekiti wa Majadiliano ya duara kuzungumzia uongozi barani Afrika na changamoto za maendeleo,
ulioandaliwa na Taasisi ya UONGOZI Tanzania, Waziri Mkuu Mstaafu,
Cleopa David Msuya akizungumza wakati wa ufunguzi wa Mdahalo huo jijini
Dar es Salaam leo.

 Afisa Mtendaji Mkuu wa Taasisi ya UONGOZI, Prof. Joseph Semboja, akizungumza katika mdahalo huo.

 Rais
Mstaafu wa awamu ya pili ya utawala huru wa Afrika Kusini, Thabo Mbeki
(kulia) akikiwa mwenye tabasamu wakati Mwenyekiti wa Majadiliano ya duara kuzungumzia uongozi barani Afrika na changamoto za maendeleo ulioandaliwa na Taasisi ya UONGOZI Tanzania, Waziri Mkuu Mstaafu, Cleopa David Msuya akitoa ufafanuzi wa majadiliano.

 waziri
Mkuu Mstaafu, Cleopa David Msuya na Mwenyekiti wa Mdahalo wa Uongozi
Afrika, pamoja na Afisa Mtendaji Mkuu wa Taasisi ya UONGOZI, Prof.
Joseph Semboja (katikati) wakimsikiliza Balozi wa kwanza wa Tanzania
nchini Afrika Kusini Ami Mpungwe ambaye kwa sasa ni mfanyabiashara na
Mwenyekiti wa Tanzanite One muda mfupi kabla ya kuwasili kwa Mgemi rasmi
wa Majadiliano ya duara kuzungumzia uongozi barani Afrika na changamoto
za maendeleo. 

Mawaziri
Wakuu Wastaafu wa Tanzania, Cleo David Msuya (kulia)  na Salim Ahmed
Salim wakijadiliana jambo muda mfupi kabla ya kuanza Majadiliano ya duara kuzungumzia uongozi barani Afrika na changamoto za maendeleo.PICHA ZAIDI BOFYA FATHER KIDEVU BLOG.

DKT. RAJAB RUTENGWE PAMOJA NA UKUU WA MKOA WA KATAVI NI MKULIMA WA MFANO NA WA KUIGWA

Mkuu wa mkoa wa Katavi Mh. Dkt. Rajab Rutengwe akitoa  maelezo kadhaa kwa Mkurugenzi wa Mtandao wa Fullshangweblog Bw. John Bukuku mara baada ya  kutembelea shamba lake la miembe lililoko katika kijiji cha Mboga mkoani Pwani.

……………………………………………

Nimesafiri na Mkuu wa Mkoa wa Katavi Dkt. Rajab Rutengwe   nikienda huko kwa mwaliko wa mkuu wa mkoa huyo kwa ajili ya shughuli maalum ya kumuvuzisha matukio katika uzinduzi rasmi wa mkoa huo utakaofanyika Novemba 25 mwaka huu mjini Mpanda ukizinduliwa na Makamu wa Rais Dkt. Gharib Bilal.

Lakini tukiwa njiani tumepitia kwenye shamba la Mh. Dkt. Rajab Rutengwe lililoko huko Bagamoyo Mkoani Pwani katika kijiji cha Mboga mbele kidogo ya kijiji cha Msoga nyumbani kwa Mh. Rais Jakaya Kikwete, Mh. Dkt. Rutengwe pamoja na majukumu yake ya uongozi katika mkoa wa katavi ni mkulima mzuri kwani shamba lake lina ukubwa wa hekari 15 na amepanda mazao mbalimbali yakiwemo Maembe, Mananasi, Mapapai Michungwa, mikorosho  na pia anaendesha ufuganji wa nyuki na kuku jambo ambalo limekuwa mfano kwa wakazi wa kijiji hicho.

Mh. Dkt. Rutengwe anasema kwa kweli hawezi kununua kiwanja ambacho hakina eneo la kilimo kwani ukulima kwake ni jambo muhimu sana na ndiyo maana aliamua kuanzisha kilimo cha kisasa katika kijiji hicho kwa kupanda mazao mbalimbali kitu ambacho kimemfanya kuwa mkulima wa mfano katika kijiji chetu, endelea kuangalia matukio zaidi katika picha

Mh. Mkuu wa mkoa wa Katavi Dkt. Rajab Rutengwe akizungumza na Meneja wa shamba lake Bwana Shamba Said Hemed wakati alipotembelea samba lake kuona maendeleo ya mazao katika shamba hilo.

Mh. Mkuu wa mkoa wa Katavi Dkt. Rajab Rutengwe mmoja wa mti wa miembe ambayo imeshaanza kuzaa matunda shambani humo

Kama wageni shamabani hapo tulikaribishwa kupata tunda la Nanasi kidogo kulia ni Mkuu wa Mkoa wa Katavi na mmiliki wa shamba hilo na kulia ni John Bukuku Mkurugenzi Mwendeshaji wa mtandao wa Fullshangweblog.

Meneja wa Shamba na hili Bwana Shamba Said Hemed akionyesha ukubwa wa shamba hilo lenye miembe zaidi ya Elfu nne.

Bw. Said Hemed akionyesma zao la matunda ya  Mananasi katika shamba hilo.

Hili ni eneo ambalo limepandwa mipapai.

Hili ni moja wa mabada yameanza kujengwa kwa ajili ya ufugaji wa nyuki shambani hapo.

Hili ni moja  ya mabanda ya kuku yanayojengwa katika shamba hilo kwa ajili ya ufugaji wa kuku wa kisasa wa mayai na nyama

Hili ni eneo lingine linaloandaliwa kwa ajili ya kupanda miembe mingine katika eneo hilo.

habari picha na FuLL SHAMGWE BLOG.