Tanzania Leo

MVIWATA YAITAKA SERIKALI KUTOA ELIMU KWA WAKULIMA NA WAFUGAJI KUEPUSHA MIGOGORO.

Aliyekuwa Mwenyekiti wa mtandao wa wakulima Kilimanjaro(MVIWATA)Bakari Mbaga akitoa taarifa yake kwenye mkutano mkuu wa sita wa mtandao huo,uliofanyika kwenye hotel ya moshi view.

Wananchama wa mtandao wa wakulima mkoani Kiliamanjaro(MVIWATA)Wakisikiliza kwa umakini hoja mbalimbali zilizozungumzwa na viongozi wa mtanao huo.

Wananchama wa mtandao wa wakulima mkoani Kiliamanjaro(MVIWATA)Wakisikiliza kwa umakini hoja mbalimbali zilizozungumzwa na viongozi wa mtanao huo.

Mmoja wa wanachama akizungumza jambo kwenye mkutano huo.

Serikali imetakiwa kutoa elimu kwa wakulima na wafugaji ili kuepusha migogoro ya ardhi ambayo imekuwa ikitokea mara kwa mara hususani ni katika Wilaya za tambarare zilizopo Mkoani Kilimanjaro. 

Ushauri huo umetolewa na aliyekuwa mwenyekiti wa Mtandao wa Vikundi vya wakulima wa Kiliamanjaro(MVIWATA)Bakari Mmbaga wakati wa mkutano mkuu wa sita wa mtandao huo.

 Alisema kuwa kumekuwepo na migogoro ambayo imekwisha kutokea sehemu mbalimbali nchini na kusababisha maafa makubwa ikiwemo mapigano na wananchi kupoteza maisha lakini bado Serikali imekuwa ikiendelea kulifumbia macho suala hilo.

Mbaga alisema kuwa zipo Wilaya kama  ya Same tayari mapigano hayo yamekwishaanza kutokea kwenye maeneo ya Ruvu kwa wakulima na wafugaji kuchomeana nyumba na kuumizana hali ambayo alisema kuwa  inaendelea kusambaa kwenye Wilaya za tambarare Wilaya ya Mwanga.

Katika wakati mwingine alisema kuwa mtandao huo ulifikiri mpango wa Serikali wa kilimo kwanza ungemkomboa mkulima lakini bado mkulima amekuwa ni mtu wa kutaabika hususani baada ya kuongezwa kwa masharti kwenye vocha za pembejeo.

“Kipindi cha nyuma masharti ya vocha yalikuwa nafuu kidogo tofauti na sasa hivi mkulima anatakiwa alipe shilingi 128,000 ndipo apatiwe vocha sasa huku ni kumsaidia mkulima wa kawaida au ni kizidi kumkandamiza”Alisema Mmbaga.

Kwa upande wake mratibu wa mtandao wa mviwata Alex Urio alisema kuwa mkutano huo mkuu ulikuwa ufanyike mwaka jana lakini ulishindwa kufanyika kutokana na kukabiliwa na uhaba wa fedha  hivyo kulazimika kuufanya mwaka huu.

Hata hivyo kwenye mkutano huo mkuu ulifanyika uchaguzi wa viongozi wa mtandao huo wa mviwata ulifanyika  kuwachagua Seraphine Mdee kuwa mwenyekiti,Zahara Kidaya Makamu Mwenyekiti,Frida Msuya mtunza hazina,huku wajumbe wakiwa ni philipo Samson,rozin mushi na henry mallya.