Tanzania Leo

WAALIMU 19 MBEYA WAGUNDULIKA KUGUSHI VYETI VYA SEKONDARI.

AFISA ELIMU WA MKOA WA MBEYA JU

WALIMU wapatao 19 mkoani Mbeya wamegundulika kuwa waligushi vyeti vya shule kabla ya kuajiliwa na Wizara ya Elimu na Mafunzo ya ufundi nchini.

 

Uchunguzi uliofanywa kwa ushirikiano mkubwa na baadhi ya watumishi wa idara ya elimu katika ngazi mbalimbali umebaini kuwepo kwa udanganyifu wa vyeti kwa baadhi ya walimu huku baadhi wakiwa wamenunua vyeti hivyo wengine kuopewa na ndugu zao ambao tayari nao wameajiriwa na Serikali.

 

Baadhi ya majina ya walimu waliogushi vyeti vya masomo yao ni pamoja na Mwalimu Omary Shaban Isingo kutoka wilaya ya Chunya, Vumilia Petro Pangani Halmashauri ya Jiji la Mbeya, Lucy M. Amulike kutoka Ileje, Atuganile Mateo  Mwakibete Jiji la Mbeya, Seif M. Rwambo kutoka Kyela na Elizabeth Isaya kutoka wilaya ya Mbozizote za mkoani hapa.

 

Wengine ni Mwalimu Frida M. Edward ambaye vyeti vyake vimerekebishwa majina kutoka wilaya ya Mbarali, Jenifer Semeni Kahangwa kutoka Mbeya Vijijini ambaye hana taarifa za Wizara, Ezekiel Longnus Mchembe kutoka Mbozi, Nsoma John Guyashi kutoka Mbeya Vijijini na Zawadi Andason Ndelwa kutoka wilaya ya Mbozi.

 

Walimu wengine waliothibitishwa na Ofisi ya Rais, tume ya utumishi wa umma idara ya utumushi wa walimu ni Betty Osmund Mchombe kutoka Mbozi, Janeth Attilio Mvanda kutoka Mbozi, Amos Stephen Mwasabila kutoka Mbozi, Ritha B. Ndaka kutoka Mbozi, Chrispin S. Vungwa kutoka Mbozi, Fatuma S. Mgude kutoka Rungwe, Faida J. Mwampir kutoka Mbozi na Faida A. Mwampira kutoka wilaya ya Mbozi.

 

Orodha ya Majina hayo pia imepelekewa tume ya ya Utumishi wa umma idara ya utumishi wa walimu mkoani hapa chini ya G.K Mbilinyi.

Licha ya walimu hao majina yao kupelekwa kwa viongozi wanaohusika mwaka mmoja uliopita, hakuna hatua zozote za kisheria na kinidhamu zilizochukuliwa dhidi yao.

 

Hata hivyo imeelezwa kuwa pamoja na orodha hiyo pia kuna baadhi ya walimu ambao baadhi ni watoto wa vigogo wa viongoai waliokuwa idara ya elimu ambao nao wanasadikiwa kugushi lakini wao wamekuwa hawaguswi na tuhuma hizo.

 

Pamoja na madhara hayo kuukabili mkoa wa Mbeya kwa upande wa walimu, madhara mengine ni pamoja na Utoro kazini kwa walimu na walimu wa kiume kufanya mapenzi na wanafunzi wa kike.

 

Sanjari na changamoto hiyo, changamoto nyingine inayoikabili idara ya elimu mkoani Mbeya ni baadhi ya waratibu elimu Kata ambao bado hawajawafikia kikamilifu walimu na muda mrefu wanautumia ofisini kana kwamba wapo likizo.\

Hapari na Gordon Kalulumba Mbeya.