Tanzania Leo

PANGANI YAENDELEA NA UTAFITI WA MAJI CHINI YA ARDHI..

                                 Afisa wa Maji bonde la Pangani,Hamsa Sadiki

 Afisa wa Maji Bonde la Pangani amesema kuwa  mpango wa kuendeleza sekta ya maji bado unaendelea  kufanyika kwa uchimbaji wa visima kwenye wilaya za hai na Rombo Mkoani Kilimanjaro kwa maeneo ya tambarare kwa ajili ya kusaidia upatikanaji wa maji.

Akizungumza ofisini kwake na Mwandishi wa Blog hii,Afisa huyo alisema kuwa mpango huo pia unafanyika kwa ajili ya utafiti wa maji chini ya ardhi,kwenye wilaya za Hai na Rombo kwa ajili ya kuboresha maisha ya wananchi hususani wanaoishi ukanda wa tambarare.

Alisema kuwa  mpaka sasa visima 15 vimeshakamilika kwa upande wa Wilaya ya Hai na vyote vina maji huku akisema kuwa kwa upande wa wilaya ya Rombo wameshachimba visima 7 huku kimoja ndo kikiwa na maji kutokana na ukanda huo wa tambarare kuwa na tatizo la maji chini ya ardhi.

Sadiki alisema kuwa kwenye mpango huo wa kuendeleza sekta ya maji,chini ya component 1 amesema jumla ya visima 30 vinatarajia kuchimbwa kwenye wilaya hizo ambao utasaidia kuangalia kazi ambazo zinaweza kutekelezwa na kuwasaidia wananchi.

                           Imewekwa na Rodrick Mushi wa Blog ya Tanzania Leo